.webp)
مقدمة
خلنا نكون واقعيين شوي. كثير من الناس يشترون قهوة، يروحون مطعم، أو يحجزون فندق، وكلها تصرفات عادية ضمن روتين حياتنا.
لكن ما يخطر ببال الأغلبية إن فيه طريقة سهلة تخليهم يرجعون جزء من المبالغ اللي دفعوها. ما نتكلم عن كوبونات خصم ولا عروض
مؤقتة بل عن فلوس حقيقية ترجع لحسابك بدون ما تطلب. وهنا يجي دور الكاش باك.
الكاش باك صار من الأشياء اللي تهم كثير ناس في السعودية والعالم. بس مثل أي منتج مالي مو كل بطاقة كاش باك تنفع. فيه بطاقات
تعطي نسبة قليلة ما تسوى وفيه بطاقات تحط شروط صعبة تخلي الاستفادة منها محدودة وفيه كمان فرق بين البطاقات اللي تنفع للسفر
واللي تناسب مصاريفك اليومية مثل التموين والبنزين.
في هذا المقال بنشرح كل شيء عن الكاش باك: وش معناه، كيف طريقته أهم مميزاته وعيوبه وأشهر البطاقات الموجودة في السعودية
وهل فعلاً ممكن يستفاد منها. وبالنهاية نجاوب على السؤال المهم هل الكاش باك يستاهل فعلاً ولا مجرد تسويق
وش يعني كاش باك
الكاش باك باختصار هو استرجاع نسبة صغيرة من قيمة مشترياتك. كل ما سويت عملية شراء بالبطاقة يرجع لك جزء بسيط كنسبة ثابتة. النسبة تختلف حسب البنك والبطاقة وغالباً تتراوح بين نص في المية وخمسة في المية. يعني لو صرفت ألفين ريال وبطاقتك تعطياثنين في المية كاش باك بيرجع لك أربعين ريال على شكل رصيد أو خصم في كشف الحساب. العملية تصير أوتوماتيكية وما تحتاج منك أي جهد
كيف طريقة الكاش باك
البنوك ما تقدم الكاش باك من باب الكرم. كل عملية شراء تسويها، التاجر يدفع عمولة للبنك مقابل قبول البطاقة والبنك بدوره يرجع لك جزء من هذي العمولة عشان يشجعك تستخدم بطاقته بشكل مستمر يعني كل ما صرفت أكثر البنك يربح أكثر وأنت تستفيد بكاش باكهي معادلة ربحية للطرفين، مع فارق إن البنك هو المستفيد الأكبر.
الفرق بين الكاش باك وبرامج النقاط
كثير من الناس يخلطون بين الكاش باك وبرامج الولاء المبنية على النقاط. الفرق أساسي وواضح. الكاش باك يرجع لك فلوس بشكل مباشر في حسابك أو على البطاقة. بينما النقاط لازم تجمعها فترة طويلة وبعدين تستبدلها بتذاكر سفر أو هدايا أو قسائم شراء وغالبًاتكون مقيدة بشركاء محددين وهذا يخلي الاستفادة منها أقل مرونة عشان كذا كثير ناس يفضلون الكاش باك لأنه أسهل وأوضح ومافيه تعقيدات
مزايا الكاش باك
أول ميزة إنه يرجع لك فلوس على كل عملية شراء تسويها، وهذا بحد ذاته محفز وبعض البطاقات تجي معها مزايا إضافية مثل التأمين ضد الحوادث أثناء السفر أو خصومات مع متاجر معينة لو كنت شخص يصرف كثير شهرياً الكاش باك يقدر يرجع لك مبلغ معقول مع نهاية السنة وفيه بطاقات تركز على فئات محددة مثل البنزين والتموين وتعطي نسبة أعلى عليها وهذا يخليها مفيدة للعائلات والموظفين اللي عندهم مصاريف ثابتةعيوب الكاش باك
مو كل بطاقة كاش باك تعتبر صفقة رابحة بعض البطاقات تعطي نسب قليلة جداً وكثير منها يحط حد أقصى للاسترجاع الشهريفإذا تجاوزت هذا الحد ما يرجع لك شي وبعض البنوك ينزلون الكاش باك كرصيد داخل البطاقة فقط وما تقدر تسحبه كاش
والأهم إن الرسوم السنوية لبعض البطاقات ممكن تخسرك الفائدة مثلًا إذا بطاقتك تكلفك 300 ريال سنوياً والكاش باك اللي رجع لك 200 ريال فأنت هنا خسران
أشهر بطاقات الكاش باك في السعودية
بطاقة stc pay:
تعتبر خيار ممتاز كبطاقة رقمية تعطي واحد في المية على كل المشتريات وما عليها رسوم إصدار تناسب الاستخدام اليومي والشراء عبر الإنترنت
بطاقة البنك الأهلي:
الكاش باك توصل نسبتها إلى ثلاثة في المية حسب نوع المشتريات وفيها مزايا مثل تأمين السفر والدخول لصالات المطارات لبعض العملاء لكنها تجي مع رسوم سنوية لازم تحسب حسابها
بطاقة الراجحي:
كاش باك تغطي أكثر من فئة وتجي مرتبطة بتطبيق الراجحي فيها عروض خاصة مع متاجر محددة ورسومها أعلى من بعض البطاقات الثانية لكن مقابلها تعطيك مميزات إضافية
بطاقة بنك الجزيرة:
تركز أكثر على التموين والمطاعم فيها حد أقصى للاسترجاع الشهري وتقدم عروض موسمية مع شركاء محليين
مين فعلاً يستفيد من الكاش باك
الكاش باك ما هو للجميع مثلاً الطلاب اللي يستخدمون البطاقة لمصاريفهم اليومية مثل الأكل والمشروبات ممكن يستفيدون العائلات الكبيرة اللي تصرف كثير على التموين يقدرون يرجعون مبالغ جيدة مع الوقت الموظفين اللي يسافرون باستمرار أو يشترون أونلاين بشكل متكرر برضو يستفيدون وحتى اللي يعتمدون على الدفع بالمحافظ الرقمية لهم نصيب لأن بعض البطاقات تربط الاسترجاع بالمحافظ الإلكترونية الفكرة إنك تكون شخص يعتمد على البطاقة في أغلب مصاريفه عشان تحس بفرق حقيقيمقارنة الكاش باك مع أنواع ثانية من البطاقات
بطاقات النقاط تعطيك مزايا مرتبطة بالسفر أو التسوق، لكنها تحتاج وقت طويل عشان تجمع نقاط كافية، وغالبًا تكون محدودة الاستخدام. بطاقات الخصم المباشر ما تقدم أي مكافآت لكنها مفيدة لو كنت تحب تتحكم بمصاريفك وتدفع من رصيدك مباشرة. بطاقات السفر تعطي مزايا مثل الدخول لصالات المطارات والتأمين الطبي، لكنها غالبًا ما تناسب الاستخدام اليومي. الكاش باك يجي كخيار وسط، واضح وسهل ومباشر.أسئلة متكررة عن الكاش باك
هل الكاش باك جائز شرعًا؟
إذا البطاقة ما فيها فوائد تأخير أو شبهة ربا، وكان الكاش باك يجي من رسوم يدفعها التاجر للبنك، فالأغلب إنه جائز. ومع ذلك الأفضل ترجع لجهة شرعية لو عندك شك.
هل أقدر أستلم الكاش باك كاش؟
يختلف من بنك لبنك. بعضهم ينزلونه في البطاقة كرصيد، وبعضهم يحولونه لحسابك مباشرة.
هل لازم أكون موظف عشان أطلع بطاقة كاش باك؟
مو شرط. فيه بطاقات مسبقة الدفع تعطيك نفس الميزة بدون ما تحتاج وظيفة أو راتب.
متى ينزل الكاش باك؟
بعض البنوك تنزله بعد كل عملية، وبعضهم يضيفونه نهاية الشهر أو بعد ما توصل لحد معين.
تعليقات
إرسال تعليق